He thlam hi October 30, 2011 tlai dar 3:31:53 khan ka Cell Phone Music Express hmanga ka lak a ni a.
Mizo social website lar tak misual.com-ah November 3, 2011 khan ka upload ve a.
Vanglaini Daily Newspaper chuan November 8, 2011 chhuakah front page picture atan a rawn tarlang kulh mai.
Hmanni lawk khan he chanchinbu vek hian a rawn tarlang leh a, a latu pawh hmeichhia a lo ni ta daih. A hming erawh tarlang ta lo mai ila. Kei hi hmeichhiaah ka lo inlet ta emawni chu aw ka ti rum rum dawn alawm le.
Article thenkhatah lah hian an lo tarlang telve zel bawk a. A latu ai hian a lar ta vet vet hle.
He thlalak latu atan hian tupawh rawn hmang sela, Dickson Williams emaw, Moshinoor Rahman emaw, Suresh Singh, Kostakof Danikov, Achino Kuare pawh lo ni zel mah-sela he thlam hian a latu hi min phatsan ngai lovang.
A thlazar hnuaia tui taka min lo awi tlei tawhtu, buh seng hah pawh min lo thawi dam thintu, ka pain rinawm taka a lo duan, vawiin thlenga thlam ram chang tawh mahse a ruh-rel nen tala min la dampuitu, hnim hnah leh hrui zam chi ten an bawm khah luk, tlumpi leh fanghmir ten tual chaina hmun atana an lo hman tak kan thlam ngei hi alawm THLAM LAR TAK CHU ka tih ni.
A va lungawi thlak loh dawn ve,chutih rualin hmuh ve a chakawm bawk si thlam hi.
ReplyDeleteA tirah chuan ka lungawi lo viau a tunah erawh ka pai dam ta mai.Mi thlalak mahni lak anga inchhal erawh a huatawm reng a, ti tawh lo se a tha hle.
Delete