Kan ka ( mouth), chaw kawng, pumpui leh ril te hi
gastrointestinal tract an ti a.
Gastrointestinal tract hi tisa mur (
gastrointestinal mucosa) -in a tuam
chhuak leh vek a ni. Kan hriat angin kan
thil ei te pai tawih awlsamtir turin pumpui hian acid a tichhuak ve a ( ie.pepsin,
hydrochloric acid). Acid hi a siam
chhuah tam lutuk chuan gastrointestinal
mucosa te hi acid hian a lo ei ral emaw a lo ei hlum ta thin a, hei hi ‘ Peptic Ulcer’ kan tih chu a ni. Peptic ulcer hi
gastrointestinal tract khawiah pawh
hian awm thei mahse rilfang(
Duodenum) –ah leh pumpui-ah a awm hnem ber a ni. Mi tam tak hian peptic ulcer
leh gastritis hi kan hriat pawlh fo niin a lang. Pum nuam lo leh pumpai nuam lo
riauva awm si; mahse taksa chhung enna khawl hmang pawha a dik lohna hmuh tur awm si lo leh clinical
signs fel fai tak awm bawk si lo hi
Gastritis chu an ti.
#
Peptic
ulcer hi
chi hnihah a then theih a, chungte
chu:-
A. Acute Peptic (stress) Ulcer
B. Chronic Peptic
Ulcers ( Gastric and Duodenal).
Tunah chuan a mal te tein i lo bih thuak thuak chauh teh ang u.
A. ACUTE PEPTIC ( stress) ULCERS
He ulcer-ah hi chuan zim te te-ah
mucosa te ei rala awmin hmun tam
takah a inzarpharh a. Pumpui-ah a hluar ber a; Duodenum-ah pawh a awm ve zauh zauh thin.
#
A thlentu:
(1)Psychological stress- Rilru hah nei nasa te
tan Acute peptic ulcer neih a awlsam em em.
(2)Physiological stress-
* Shock
* Taksa hliam nasat vangin.
* Septicaemia
* Kang (burns) vangin
* Damdawi- aspirin, steroids,
butazolidine,
Indomethacin etc. pawngpaw ei nasat
lutuk
vangin.
*Zu leh zuk leh hmuam vangin.
B. CHRONIC PEPTIC ULCERS ( Gastric and Duodenal ulcers)
Chronic peptic ulcer
han tih ringawt hi chuan gastric ulcer
leh duodenal ulcer te a huam ve ve a ni.
# A thlentu:
(1)Natna hrik chi
khat Helicobacter pylori infection vangin a lo awm thei.
(2)Gastritis nei nasa
te tan chronic peptic ulcer neihna chance hi a sang hle.
(3)Pumpuiin Acid-pepsin
a siam hnem lutukin.
(4)Nonsteroidal
Antiinflammatory Drugs (NSAIDs) an tih heng Aspirin, Ibuprofen, Paracetamole,
Nimesulide, etc. te hian chronic ulcer thlenna kawngah direct effect an nei.
(5)Hmuihmer tamna leh um tawih ei leh in te, zuk leh hmuam leh
zu te hian an thlen ve bawk.
* Gastric ulcer leh Duodenal
ulcer danglamna i lo thlir teh ang.-
(1)
Duodenal ulcer hi gastric ulcer aiin a let 4 in a hluar zawk.
(2)
Duodenal ulcer hi kum 25-50 inkar zingah a hluar a; Gastric ulcer erawh kum 50 chunglam zingah a
hluar thung.
(3)
Duodenal ulcer leh gastric ulcer te
hi mipa-ah a hluar zawk ve ve.
(4
)Duodenal
ulcer hi H-pylori Infection vang te, acid-pepsin tam lutuk vang te, mei zial zuk leh zu in nasat vangte in a lo
awm thin. Tin, blood group 0 nei zingah a awm duh bik.
Gastric
ulcer erawh H-pylori vangin a lo awm thei a, mucus-barrier tihchhiat vang te,
gastritis, bile reflux, drugs, zu leh meizial zuk vang te in a lo awm thin.
(5)
Duodenal ulcer-ah chuan thisen hloh
nasat te, gastrointestinal tract pawp ( perforation) te, chaw kawng hnawh phui
te leh cancer te hial a lo thleng thei thin a ni. Gastric ulcer-ah erawh cancer thlenna chance a sang lem lo.
(6)
Duodenal ulcer-ah chuan chaw ei apiangin
a na/ a thip a dam thin; Gastric ulcer-ah erawh chaw ei apiangin a thip em em
thung.
(7)
Duodenal ulcer-ah chuan zan mutnaah a na/ thip em em thin; Gastric ulcer-ah
erawh a na lem lo.
(8)Duodenal
ulcer-ah chuan luak ( vomitting) a awm ve lem lo; Gastric ulcer-ah erawh a awm.
(9)
Duodenal ulcer-ah chuan thi-a luak ( haematemesis) a hluar lutuk lova; Gastric
ulcer-ah erawh a hluar hle thung.
(10)
Duodenal ulcer-ah chuan rihna a tlahniam
ngai lem lo; Gastric ulcer-ah erawh a tlahniam thin thung.
(11)
Duodenal ulcer nei tan ei tur chung
changah fimkhur a tul ve lem lo; Gastric ulcer nei tan erawh fimkhur tur a ni.
(12)
Duodenal ulcer-ah chuan pum dinglam hi khawih/hmeh hian a na veng veng thin a;
Gastritis ulcer-ah erawh pumpui chung
lam zawn ( epigastric area) hmeh hian a
na thung.
(13)
Duodenal ulcer hi sik leh sa danglam zelah a nihphung a danglam ve zel thin a;
Gastric ulcer erawh a danglam ve ngai
lo.
(14)
Duodenal ulcer hi rilru hah nei te zingah a hluar zawk a; Gastric ulcer erawh kut
hnathawk nasa te zingah a hluar zawk thung.
TREATMENT: Pumpui ulcer nei te tan
chuan damdawi uluk taka ei hi a enkawl dan tha a ni mai. Damdawi
hnathawh dan tlem a zawng i lo
tarlang ang-
1.Pumpui-in acid a siam hnem lutuk tur thunun turin. Eg. Cimetidine,
Misoprostol, omeprazole , pirenzepine, etc.
2.Acid
thur chiah dal turin. Eg. Sodium bicarbonate, Magnesium hydroxide, Calcium
carbonate, Magnesium trisilate, etc.
3.Ulcer protective. Eg. Sucralfate, CBS.
4.Anti-H.pylori drugs. Eg. Amoxicillin, Tetracycline, Metronidazole,
Tinidazole, etc.
Bonus: Ulcer damdawi chi hnih Sucralfate leh Antacid te hi an
hnathawh an inthai chhiat tawn avangin a kawpa ei hian an chakna an hloh thin a;
chuvang chuan a mala ei hi a tha zawk a ni.
Pu Joel Lairemsanga, he blog hi ka chhiar thin a, chhiar a manhla khawp mai, mi tamzawk te hian lo tlawh ve se a tha tur a nia. Pumpui lampang hi ka problem anih deuh avang hian chhiar tur alo awm hi a vanneihthlak ka ti khawp mai. Chutih rual chuan i hming bulah hian Dr hi dah tel la a that zawk ka lo ring deuh a. A chhan chu professional line dang engineer leh architecture lam ah hi chuan kan title hi a concern anih loh chuan hman phal a ni lo a. Mahse nangni hi chu engtiklai pawh a mi mangang te pawhin an hriat theih tur a in dah hi a pawimawh viau lo maw aw ka ti deuh a.
ReplyDeleteI tilawmawm lutuk e Hminga. I lo chhiar zel dawn nia.
DeleteA țha hle mai..
ReplyDeleteChaw helh ni silo, helh ang deuh hian ka awm ul reng mai a. ka helh deuh fo tho bawk a. eng damdawi nge ka ei ang?
ReplyDeleteDr.Joela,i thuziak ka hmu chu ka lawm hle mai. Pumpui lawng ,a hrik awm chi ka nia,sucralfate thlakhat ka ei tawh a,ka la zia vak chuang lo..enge ei ila ţha ang...
ReplyDeleteThis comment has been removed by the author.
ReplyDelete2015 October vel tang khan hetianga pum nat hi ka insawisel tan a, Ka ril a tam hian vawi lehkhat ah ka pum hi a na vak zela, chutianga a nat hi chuan darkar 12 aia rei ka tuar ziah tluan thrak2 thin, he tianga ka pum a nat vak hian tum 2 private damdawiin ah kal in Ultrasound leh test chi hran kan nei a mahse result chu a Normal zel thin si a. Doctor te pawn tih ngaihna min hre vak chuang bik lo, Test ah Normal tlat zel thin sia, tun thleg hian ka pum na hi ala awm renga ka riltram hma deuha chaw ka in eipuar vat zel zel loh chuan darkar 12 hma cuan a dam ngai lo. He post ka chhiar chu ka bengvar huai mai bak ah ka natna pawh Ulcer ni ngei in ka ring ta. KA VA HAN LAWM EM...
ReplyDeleteA tha hle mai,kei hi naupai ka ni a,pum a thip reng mai a,eng damdawi hi nge him a,engtia ei tur nge niang le??
ReplyDeleteRilpui leh rilte lawng enkawl dan tlangpui leh adam har em ...a hlauhawm em tih vel hi min lo chhan sak teh khawngaih in👏
ReplyDeleteα hlαwk thlαk hlє mαí,dr kα ín єntír α gαѕtríc í nєí mín tí α,dαmdwí pσh mín chαwh α,rєí vαklσ chu α rєh α mαhѕє tunhnαí híαn α rwn nα lh tα vαk2 α,α nαt híαn kα pum dínglαm lєh thínzαwn vєl tє hnung lαm thlєng híαn α nα thín α,,tun αh pαwh α nα mєk,,,mαhѕє í thíl tαrlαn tαm tαk hí kα tαn α tαngkαí dαwn khσp mαí,,,,kα lαwm є🙏🏻🙏🏻
ReplyDeletethil ei piang reilo te ah luak chhuak leh vel zel hi enge chhan niang
ReplyDeleteK thaw hi a hah thin aa k thaw a hah hi chu an k hrawk hi a phui deuh thin aa a hrehom the thei khop Mai engtia Han tih chi nge ni a ng
ReplyDeleteA tha in a bengvarthlak hle mai..pum khat hnuk ang hian ka awm a,ka helh ul reng mai a..tui ka in hian a tla thla thei bawk silova,engtia enkawl chi nge ni ang le?Chaw techu ka damdawi ei vang hian ka eitui em2 a.
ReplyDeleteKeipAwh tiag chiah hian ka awm ka hlauthanwgtakzet cancer anih ka hlau rumrum
DeleteA van bengvar thlak em aw
ReplyDeletepum ulcer vang hian thaw hi ahah ve deuh thei ami le
ReplyDeletePumpui ulcer vang hian luhai hi a awm rei em?ka lu hi a hai rei tawh,,thil dang chu atha vek s
ReplyDelete